WBC Конвенциясын Астанада өткізу мәселесі алдағы күндері шешіледі

11 желтоқсан күні Бүкіләлемдік бокс кеңесінің (WBC) 54-ші Конвенциясы ресми түрде басталды. Оған Геннадий Головкин, кіші Рой Джонс, Виталий Кличко, Амир Хан, Флойд Мейвезер, Роман Гонсалес, Мигель Котто және әлемнің басқа да әйгілі боксшылары қатысуда.
Ашылу салтанатында жиналғандар 3 маусым күні қайтыс болған Мұхаммед Әлиді еске түсіріп, тағзым етті. WBC бокс королінің адам бойымен шамалас мүсінінің таныстырылымын өткізді. Даңқты боксшының қызы Лейлә Әли ашылу салтанатының құрметті қонағы болды.
Біздің Геннадий Головкин де назардан тыс қалмай, еңбегі еленіп, GGG Бүкіләлемдік бокс кеңесінің арнайы марапатына ие болды. Әрі WBC чемпиондары командасының капитаны атанды. Головкиннің Лондондағы Келл Брукпен өткен жекпе-жегі «Жыл оқиғасы» болып танылды. Сонымен қатар, Геннадийдің есімі орта салмақтағы ең үздік нокаутшылардың көшбасшысы ретінде Гиннестің рекордтар кітабына тіркелінді.Естеріңізге сала кетейік, осы салмақ дәрежесінде Шугар Рэй Робинсон, Стэнли Кетчел, Марвин Хаглер, Карлос Монсон, Бернард Хопкинс сынды кәсіпқой бокс пірлері өнер көрсеткен болатын.
АҚШ-қа Қазақстан делегациясы ерекше миссиямен аттанған болатын. Еліміздің Кәсіпқой бокс федерациясының президенті Ерлан Бекхожин мен вице-президенті Виктор Демьяненконың мақсаттары – Астананың келесі, 55-ші Конвенцияны өткізу жөніндегі өтінімін қорғап шығу. Біздің елордамыздың таныстырылу рәсімі WBC президенті мен директорлары кеңесі алдында өтеді. Ал нақты шешім тек Конвенция жабылатын кезде ғана жарияланады.
– Осындай ауқымды шараның Астанада өтуі, сөз жоқ, біздің елде бокстың дамуына айрықша серпін береді. Ал Конвенцияның ЭКСПО аясында ұйымдастырылуы атақты қонақтардың назарын біздің астанамызға аударып, халықаралық аренадағы беделін өсіре түседі, – дейді 1980 жылғы Олимпиада ойындарының күміс жүлдегері Виктор ДЕМЬЯНЕНКО.
Өздеріңіз білесіздер, биылғы жылдың қыркүйек айында WBC, ЭКСПО, Астана әкімдігі, ҚР Кәсіпқой бокс федерациясы және Diamond Ring компаниясы арасында өзара ынтымақтастық туралы Меморандумға қол қойылған болатын. Онда барлық тараптар шынайы түрде Конвенцияның келесі жылы Қазақстанда өтуіне мүдделі екендіктерін білдірген.[/vc_column_text][/vc_column][/vc_row][vc_row][vc_column width=”1/3″][dt_fancy_image image_id=”2795″ onclick=”lightbox” width=”” align=”center”][/vc_column][vc_column width=”1/3″][dt_fancy_image image_id=”2796″ onclick=”lightbox” width=”” align=”center”][/vc_column][vc_column width=”1/3″][dt_fancy_image image_id=”2797″ onclick=”lightbox” width=”” align=”center”][/vc_column][/vc_row]

If you have found a spelling error, please, notify us by selecting that text and pressing Ctrl+Enter.

Leave a Reply

Thanks!

Our editors are notified.