Геннадий Головкиннің келесі қарсыласы Брэндон Адамс болуы мүмкін

Шаршы алаңға қайта оралуы 8 маусымға жоспарланған орта салмақтағы әлемнің экс-чемпионы, қазақстандық Геннадий Головкиннің (38-1-1, 34 KOs) потенциалды қарсыласы кім екені белгілі болды.

WBN-нің мәлеметі бойынша, 36 жастағы қазақстандық былғары қолғап шебері Contender реалити шоуының жеңімпазы, 29 жасар америкалық Брэндон Адамспен (21-2, 14 КО) қолғап түйістіреді. Адамстың мансабындағы ең лайықты қарсыласы отандасы, Головкиннің экс-қарсыласы кіші Вилли Монро болған екен. Ол 2014 жылдың мамыр айында төрешілердің бірауыз шешімімен Адамсты жеңген.

Головкин үшін маусымда болатын жекпе-жек DAZN стримингтік қызметімен 6 кездесу үшін миллиондаған қаржыға жасасқан, 3 жылдық келімсімшарт аясындағы дебют болмақ. Сонымен қатар, ол мексикалық жұлдыз Сауль Альвареске қарсы өткізген қыркүйектегі матч-реваншта кәсіби мансабындағы алғашқы жеңілісінен кейін шаршы алаңға қайта оралады.  Атап өтетіні, «Канелоның» да телесеріктесі DAZN стримингтік қызметі. Бұр серіктестік келешекте екі боксшы арасындағы үшінші шайқасты ұйымдастыруды жеңілдетіні сөзсіз.

 

If you have found a spelling error, please, notify us by selecting that text and pressing Ctrl+Enter.

Thanks!

Our editors are notified.